Discus

Notte de Chelu

Apustis de unus cant’annus de atopus  in cresias e teatrus, su coru Collegium Karalitanus  e Cuncordia a Launeddas ant apariciau, po sa Paschixedda de su 2005, custu CD, cun s’agiudu de S’Unioni Sarda chi d’at pubricau in sa collana “La Biblioteca dell’Identità”.

Cumenti lassat comprendi su titulu, Notte de Chelu at postu impari is cantzonis prus connotas de sa tradizioni sarda e in prus ddui funt una pariga de sonadas nobas cumenti Anninnia a Gesus de Giampaolo Lallai e unu manigiu nou de Celesti Tesoru e Su Rei de S’Amori.

Totu is registratzionis funt stetias fatas in sa cresia de  S. Maria del Monte de  Casteddu.

Cuncordia a Launeddas

Pubricau a sa fini de su 2003 su primu CD de su Sotziu bolit essi una arregorta de is sonadas fatas in bint’annus de atividadi. Is doxi sonadas amostant cumenti is launeddas si potzant sonai in modu diversu, no po ndi sciusciai totu a una borta su chi sa tradizioni at fatu in annus e annus, ma po aberri atras bias aintru de sa traditzioni e totu. Sonadas de cresia funt amasturadas cun ballus e acumpangiamentus de cantzonis. Sa primu sonada de su CD, Cuncordia, bessit unu pagu a foras de is sonadas connotas, cumentzat cun d’unu sonu lentu e si tramudat in ballu, anca arrepicus e frorigius lassant cumprendi su chi podint fai custus sonadoris.

Non podiat amancai una cuncordia de duus sonadoris; sa sonada soberada de Mediana a Pipia e Puntu de organu s’acostumat pagu bortas a d’intendi.

Sa fortza de su sonu de dexi pariga de launeddas e s’arriccamentu de notas chi ndi essidi, aguallant sa poberesa de frorigius, chi essint mellus candu si sonat a solus, e faint de custu sotziu sa primu orchestra sarda de musica traditzionali.