Aundi seus

Sa Sardinnia est, po tretu, sa segunda isula de su Mediterraneu, (apustis de sa Sicilia) e est posta in mesu de Italia, Francia, Spagna e de sa parti de susu de s'Africa. Is nominis chi teniat antigamenti fiant Ichusa e Sandalion, nominis grecus chi bolint nai ca assimbillat a sa forma de su pei.
Su nomini Sardinnia est abarrau de su latinu Sardinia.

Sa lingua sarda est una variedadi chi est posta in mesu de is linguas romanzas orientalis (italianu e rumenu) e de cussas de s'ocidenti (francesu,catalanu, spagnolu, portoghesu).

Sa Sardinnia est una terra antiga, chi s'est formada in s'era primaria impari cun sa meseta spagnola, innantis meda de is Alpis e is Apenninus.

Nuraghe 'Su Nuraxi' - Barumini Bronzetto - Museo Archeologico Cagliari

Su monumentu chi s'agatat de prus est su Nuraxi; in totu sa Sardinnia si nd'agatant prus de sèti milla. Bortas meda acanta de is nuraxis ddu at funtanas sacras, cresias o muristenis,chi lassant cumprendi cumenti in su tempus siant stetias acanta de pari sa cultura religiosa antiga e cussa moderna.

De is formas de arti chi funt abarradas, una est importanti meda po cumprendi calincuna cosa de prus de sa storia de is launeddas: est una statuedda de brunzu,de su VIII-VII seculu A.C. chi assimbillat a unu sonadori de launeddas e chi imoi est allogàt in su musèu archeologicu de Casteddu.

Cuncordia a LauneddaAssociazione Culturale
Cuncordia a Launeddas
Via Messico, 9
09042 Monserrato (Ca)