Pubbricatzionis

Launeddas est unu liburu de su Sotziu CUNCORDIA A LAUNEDDAS, bessiu in su 1997 (AM&D edizioni), e ddu agataus is arresutaus de set'annus de studius e de traballu fatus in principiu da is sotzius-sonadoris.
Totus ant studiau una parti de su mundu de is sònus: s' arregorta de sa canna (Dante Tangianu), commenti torrai sulidu (Ignazio Zucca), commenti si faint is sònus (Luciano Montixi e Ignazio Zucca), a is lèis de s'acustica de is launeddas (Antonio Fanari), a is còntus de is biaxeris de s'800 (Ermenegildo Lallai), a su tempus bellu de su sigulu passau fintzas a sa crisi de custus tèmpus Giampaolo Lallai), sa musica (Gianfranco Meloni e Giulio Pala), sa discografia (Ignazio. F. Spano), su traballu fattu in custus annus po torrai a fai conòsciri is sonus (Francesco Sirigu).

In prus ant giau su trabballu insòru grandus studiòsus e docentis universitarius: Salvatore Naitza e Maria Grazia Scano ant scritu de is launeddas in s'arti, Antonio Romagnino de is launeddas e Sant'Efis, Giovanni Dore de is sonadòris connotus in tttu custus annus de attividadi etno-musicali, Giacomo Serreli de s'ammesturu de custu antigu strumentu cun sa musica moderna, Pietro Sassu de is microstruturas melodicas de sa musica sarda, Paolo Bernardini de s'aulete de Ittiri, Vincenzo Santoni de su rapportu tra su brunzittu ed i cultus nuragicus, Giulio Paulis de s'etimologia de su fueddu "launeddas", Giampaolo Mele de una miniatura de su sigulu XIII chi pintat duus sonadòris a tres cannas.

Est sa primu borta che is launeddas funti stetis studiadas in donnia parti insòru, is atras pubblicatziònis fattas prima: cussa de Giulio Fara (1910) e de Weis Fridolin Bentzon (1960), chi funti stetias perdas de fundamentu de custas operas, nd'iant studiau sceti calincuna, mancai de importu mannu.

Su liburu "Launeddas" tènit sa bidea de fai conosciri prus bèni su strumentu commenti a una parti manna de sa sienda culturali de sa Sardinnia, scritu in d-una lingua facili a cumprèndiri, grazia puru a is 180 fotografias, unas cantu mai pubbricadas prima, tabellas, graficus, etc, agiudant a fai biri a su chi ligidi cantu valori at tentu e tèngiat sa musica, sa storia e sa vida de is sònus.

Custu est su sinnu de tottu s'opera chi si pòdit tccai fintzas in su sub-titulu puru de su liburu, chi acostat a pari is sònus de canna e s'anima de su populu sardu,chi at passau tremila annus cun custu sonu, chi a bortas parit chi ndi ‘ollat bogai su còru, atras bortas bitit prexu cun allegria. Est custu su chi prus assimbillàt e assimbìllat a su spiritu de is sardus, chi at poderau e poderat is cosas suas cun dignidadi e firmesa mancai ci siant stetius meris strangius, de lògus meda e po tempus meda chi prus de una borta ant circau de ndi scunfundiri totu.