Atonai is sonus de canna

A atonai is sonus de canna no est facili. Sa calidadi de is cabitzinas, su tempus, s’umididadi e medas atras cosas tenint importanzia manna po poderai unu cuntzertu atonau.

Su tonu de una cabitzina dipendit de cantu a lestru si movit su linguatzu; prus est lebiu, prus a lestru artziat e calat.

Su ddi poni prus cera o su dda trantziri prus a punta bolit nai a ingraiai su linguatzu e a abasciai su tonu; su ndi leai cera o dda trantziri asegus corrispondit a artziai su tonu.